تجمع أهالي قرية برير المحتلة

اهلا وسهلا بك يا (زائر) في (تجمع أهالي قرية برير المحتلة) ,, نتمنى ان تقضي معنا وقتا طيبا
 
الرئيسيةmainfourmس .و .جبحـثالتسجيلدخول

شاطر | 
 

 اعرفي زوجك من طريقة أكله

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الغزال
مشرف الزاوية الاجتماعية
مشرف الزاوية الاجتماعية


عدد المساهمات : 1893
نقاط العضو : 3841
تصويتات للعضو : 5
تاريخ التسجيل : 14/11/2009
العمر : 43

مُساهمةموضوع: اعرفي زوجك من طريقة أكله   الإثنين يوليو 11, 2011 4:16 am

للتسلية اعرفي زوجك من طريقة أكله


 إذا كان عادي يعني لا بياكل بسرعة ولا ببطء ولا دايمًا شبعان ولا مفجوع
على طول فهو شخص معتدل في عواطفه وقراراته استعجلي الزفاف ستكوني مرتاحة
معه


 إذا كان يحب الأكل زي عينيه وأول ما يدخل من الباب وقبل ما يقول لك أزيك
يقول لك ريحه التقلية تجنن يا روحي إنتوا عاملين ملوخية أموت أنا ويقعد
يأكل ويحشر لحد ما يغمى عليه يبقى إنسان طفس وهوائي وطايش وأوعي تتجوزيه
أحسن ياكلك وأنتي نايمة


 أما إذا كان مش مهتم بالمرة لا يقولك ده حلو ولا ده عادى ولا مالح ولا
مستوي ولا لسه ني ولا بيعلق أي تعليق وعمره ما يقولك جعان أو شبعان يبقى
إنسان ما لوش لزمه وزي قلته وأنصحك بدل ما تتجوزيه أتبنيه وهات عيشي أنتي
الراجل والست في وقت واحد


 أما إذا كان بياكل زى ما يكون حد بيجري ورآه وساعة الأكل يجيله حالة صرع
معوي ويقوم من عن الأكل قبل أي حد ثاني يبقى متسرع ومتهور في اتخاذ قراراته
وممكن بعد الجواز يكتشف إنك لست ملهمته ولستي فتاة أحلامه ولستيِ حلمه
ويروح مطلقك بالتلاتة أخلعي أنتي بدري أحسن لكرامتك


 أما إذا كان بياكل على مهله ويمزمز في كل صنف لوحده ويسأل عن كل صنف إيه
مقاديره ومعمول أزاي ويقعد يستطعم في الأكل من العصر للمغرب حاسبي منه يا
أختي ده النوع اللي له مخ وبيوزن الأمور بطريقه تفقع المرارة ولو في يوم
طلبتي منه يقولك كلمة حلوة ها يقولك مش عامل حسابي ويقعد يفكر 3 سنين
وبعدين يقول لك بحبك


 أما إذا كان يقعد يقطع في الأكل زي ما يكون في خناقة ويخبط في الطبق من
الغل ويقطع حتة اللحمة زي ما يكون بيدبحها ويتفتف ويتكلم طول ما هو بياكل
ده شخص عصبي جدًا ومع أول خناقة ها يروح مناولك بالكرسي في راسك أو
بالسكينة في عينك يعمل لك عاهة مستديمة وبعدين يهدى ويقول لك سوووري يا
روحي هي جت فيكي ما عاليش ما عاليش بره يا حبيبي وخد الباب في أيدك


 أما إذا كان دايمًا قرفان دايمًا مش عاجبه العجب ولا الصيام في رجب يعنى
الملوخية تقيله ياي السمنة كثيرة على وش الشوربة يا ساتر دا محشي ولا صوابع
موووز أوف الرز محصويل يا مَّه المكرونة معجنة إذا كان كده توكلي على الله
وهاتي أحمى ساطور عندك وأنا أعرف لك واحد محامي ها يطلعك منها زي الشعرة
من العجيييين والأحسن من ده كله مالها القعدة في بيت أبوكي
الرجوع الى أعلى الصفحة اذهب الى الأسفل
بنت الشمال
قريب من الاشراف
قريب من الاشراف


عدد المساهمات : 265
نقاط العضو : 273
تصويتات للعضو : 0
تاريخ التسجيل : 14/07/2011
العمر : 31

مُساهمةموضوع: رد: اعرفي زوجك من طريقة أكله   السبت أكتوبر 08, 2011 6:48 am

يا جماعة ده في رجالة طفسين اوي
الرجوع الى أعلى الصفحة اذهب الى الأسفل
 
اعرفي زوجك من طريقة أكله
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
تجمع أهالي قرية برير المحتلة :: كل ما يتعلق بالخدمة والرعاية الاجتماعية-
انتقل الى: